Am Samstig Morge mit grosser Fracht,
hend sich d Musikante vo Andwil-Arnegg uf de Weg gmacht.
Ide Lenzerheid acho simmer gschwind,
wommer mit emne Kafi Lutz empfange worde sind.
S Skifahre hemmer lässig gfunde,
doch de eint oder de ander isch schnell ide Beiz verschwunde.
Noch dem „wahnsinnig sportliche“ Skitag simmer zrugg id Jugi Valbella,
De Znacht isch uuu fein gsi, leider aber ohni Rivella.
Es paar vo üs hend am Obig ide Jugendherberg mitenand gspilt und glacht,
und die jünger Generation het sich im Dorf uf d Suechi nochere Bar gmacht.
(sind fündig worde)
Während die Fitte am Sunntig nomel sind ufd Ski,
hend die Müede nurno ghofft, es segi bald verbi.